sephora loyalty cards program بطاقات الولاء من سيفورا

السلام عليكم 

كيفكم يامزز ان شاء الله تكونو بخير

اليوم التدوينة عن بطاقات الولاء من سيفورا

 كيف تشتركي فيها؟؟؟

من أي فرع في سيفورا اطلبي منهم انك حابة تشتركي في بطاقات سيفورا حتاخد الموظفة بياناتك وتعطيكي الوايت كارد

بعد ٢٤ ساعه تجيكي رسالة على ايميلك انو لكي هدية ترحيبيه روحي استلميها من سيفورا بشرط توريهم الايميل

كل مرا تختلف الهدايا انا اعطوني البدي لوشن دا

وبس فكرة البطاقه انو مع كل ماتشتري منهم يحسبولك نقاط كل عشرة ريال ب نقطة وازا جمعتي ٢٠٠ نقطة

حيعطوكي البلاك كارد

ايش مميزات البلاك كارد؟؟

اول ماتوصلي ٢٠٠ نقطة تجيكي رساله على ايميلك انو لكي هدية روحي استلميها

وازا في ايفنتس يرسلولك دعوة

ويرسلو عروض وتخفيضات  وايش المنتجات الجديدة اللي نازله

ويرسلولك هدية يوم ميلادك

انا دي دي هديتي  منتجات من بينفت 

هما كل فترة يغيروا الهدايا بعد كل ميتين نقطة تجيكي هدية

شنطة كيوت للمكياج

برايمر بينفت المشهور ومسكرة رولر لاش واي لاينر 

وتقدري تشيكي على نقاطك عن طريق الويب سايت 

وازا جمعتي ١٥٠٠ نقطة تاخدي القولد كارد

مميزات القولد كارد انو الهدايا تكون افخم ههههه

ونفس الشي يرسلو لك هدية يوم ميلادك غير العروض ودعوات الايفنتس

وبس  ان شاء الله تكون عجبتكم التدوينة

اشوفكم على خير 

ريفيوعن مسكرة فيزشن فورميلا الطبيعية REVIEW: Physician's Formula Mascara

السلام عليكم ورحمة الله وبركاته

كيفكم وحشتووني كيف الصيام معاكم :)

معليش قطعت عنكم فترة انشغلت مع اختبارات الفاينل والحمدلله اتخرجت من الجامعه :)

حبيت انزل لكم ريفيو بسيط عن مسكرتين من فيزشن فورميلا

جربت انواع كتيرا من المسكرات من بينفت وبرجوا وميبلين حلوا ماعليها بس كنت ادور

 على مسكرة طبيعيه ويوميه لأنو عيوني حساسه وتدمع على طول مع المسكرة

الين شفت مسكرات فيزشن فورميلا وقريت عنها وعن المواد اللي مكونه منها اتحمست مرا

 عندهم انواع كتيرا اشتريت نوعين وجربتها طول فترة اختباراتي  كنت احط منها يوميا 

من ميزاتها :

100 ٪ طبيعية

100 ٪ ألياف الطبيعية

100 ٪ خالية من المواد الحافظه

100 ٪ خالية من المواد الكيميائية

100 ٪ خالية من الألوان الاصطناعية والبارابين

100 ٪ خالية من الكائنات المعدلة وراثيا

100 ٪خالية من العطور الصناعية

تعطي كثافة وجمال للعين من سوادها

واحلى ميزة فيها انو لماتغسلي المكياج تنزل معاكي من اول غسله تدووب المسكرا على طول

كنت اتعب مرا لما انزل مكياج العيون وبالزات المسكرا في بعض المسكرات احسها 

تلصق في الرمش لصق مع انها مو ضد المويه.

من السلبيات:

تحتاجي اكثر من طبقة 

نبدأ مع مسكرة

Physician's Formula Organic Wear Fake Out Mascara 

تخلي رموشك كثيفه كأنك مركبة رموش وعجبني شكلها كيوت

Organic wear100% Natural Origin Mascara

شكل الفرشاة

صورة من النت كيف المسكرة تعطي كثافة

شكل الفرشتين من قريب الشعر كثيف وقريب من بعض يعطي كثافه من غير ماتتكتل المسكرة

انصح فيها ؟

ايوا ازا حابة مسكرة يومية للدوام ماتضر رموشك وطبيعية 

هل ممكن ارجع اشتريها؟

ايوا وممكن اجرب انواع تانية من عندهم

مكان الشراء؟

اي هيرب

سعر المنتج؟

٣٦ ريال بس

طلبت منتجات تانية من فورميلا ان شاء الله اجربها واقلكم رايي فيها:)

وقولولي رايكم وتجاربكم ازا جربتو من عندهم اي منتجات واي سؤال او استفسار اتفضلوا

مجموعة فرش سيقما والكبوكيات اللزيزه Sigma Brushes

السلام عليكم ورحمة الله وبركاته

كيفكم ياحلوين ان شاء الله تكونو بخير

اليوم البوست عن  مجموعة فرش سيقما وكم فرشاه اشتريتها لوحدها

حبدأ مع الفرش اللي اخدتها بالحبه

 F80 - FLAT KABUKI BRUSH

فرشاة الكبوكي لتوزيع الفونديشن من احلى الفرش توزع بطريقه حلوا  وماتترك خطوط ابدا شعرها 

كتير وناعم سعرها 24$ من التوب سيلر في موقع سيقما.

.3DHD - KABUKI BRUSH

فرشاة الكبوكي ثري دي ميزة الفرشاة دي انك توزعي الفونديشن

من غير ماتحركي وجهك ههههه<ياعيني عالشرح  مثلا لما تجي

 توزعي الفونديشن بعض المناطق زي عند الانف والدقن تميلي وشك ميزة الفرشاه دي انها توزع 

بطريقه حلوا في اصعب الاماكن عشان تصميم الفرشاه الحلو يوزع في كل مكان في الوجه

سعرها 24$ من البيست سيلر في موقع سيقما.

    3DHD - Precision Brush
عاليمين  فرشاة الكونسيلر ثري دي سعرها 19$

 تدمج الكونسيلر بطريقه حلوا ومن الانحناءات اللي فيها 

يجي منها تلاته الوان اسود وابيض وبينك

اخدت البيضا عجبتني اكتر شي :$

 تعجبني مرا الكبوكي دي دوبا ولزيزا هههههههه

Essential Kit

 مجموعه الفرش تجي ١٢ فرشاه سعرها 179$ في منها كزا لون انا اخدت بينك لاني اعشق اللون دا 

حبدأ مع فرش الوجه الاساسيه 

F30 - Large Powder

             اول فرشاه لتوزيع الباودر كبيرا وناعمه  في بنات يقولو انو شعرها يطيح انا مالاحظت الشي دا 

                         يمكن على حسب الاستخدام انا اخاف عليهم كأنهم بزورتي هههههههه.

F40 - Large Angled Contour

فرشاه مايله للكونتور و تنفع للبرونزر كمان مرا حلوا وناعمه..

F50 - Duo Fibre

فرشاة لها استخدامات كتيرا في بنات يدمجو فيها الفونديشن بس اكتر شي تنفع للبلشر الكريمي وحلوا كمان تدمجي فيها الكونتور لو كان كريمي.

F60 - Foundation

فرشاة لتوزيع الفونديشن او البرايمر.

نجي لفرش العيون

E60 - Large Shader

من اليمين اول فرشاه للظل كبيرا ازا تبغي تحطي لون واحد على كل الجفن.

E40 - Tapered Blending

فرشاة الدمج من احلى الفرش تدمج بطريقه مرا حلوا الفن في مسكة الفرشاه امسكيها بطريقه خفيفه وادمجي بحركات دائرية خفيفه .

E55 - Eye Shading

فرشاه الظل بس اصغر من اللي قبل تنفع تحطي فيها لون في منطقه معينه وماتبغيه ينتشر.

F70 - Concealer

فرشاة الكونسيلر في بعضهم يستخدموها استخدامات تانيه مثلا يحطو فيها الروج او الكوريكتر.

E30 - Pencil

فرشاة البينسل مرا حلوا لو تبغي تحطي فيها اضاءه عند مدمع العين او لون معين عند الكريس.

E70 - Medium Angled Shading

فرشاه مايله تنفع ل الاضاءه تحت الحواجب او تحطي فيها ظل .

E05 - Eye Liner

فرشاة الايلاينر دي نفسها اعطوني منها صغيره هديه للسفر.

E65 - Small Angle

اخر فرشاة للحواجب تجي مايله حجمها مناسب لرسم الحواجب.

طبعا مو بس دي استخداماتها كل وحده تختلف عن التانيه وكيف ترتاح .

يجي معاها علبه حلوا وكتالوج فيه كل منتجات سيقما من فرش ومكياج :)

اعطوني هديه فرشاه  الايلاينر الصغيرة من مجموعة السفر.

                                             

                                 2X Sigma Spa Brush Cleaning Glove

واخر شي جونتي او قفاز سيقما المطور لتنظيف الفرش 2X سعره 39$ 

يجي معاها منشفه من جوا مريحة لليد وقت التنظيف

الجونتي جهه تنظفي فيها فرش الوجه والجهه التانيه لفرش العين

تنظف الفرش بطريقه حلوا فيها خطوات تمشي عليها

ممكن تشوفي طريقتها عاليوتيوب تطلع الفرشاه كأنها جديده

ازا حابين انزل طريقتي في غسل الفرش والبيوتي بليندر

اكتبولي تحت في الكومنت وان شاء الله انزل الطريقه

وكمان ان شاء الله حنزل بوست تاني لفرش ريل تكنيك وماك ازا حابين تعرفو عنها اكتر:)

 وبكدا خلصت البوست وان شاء الله يكون عجبكم وازا عندكم اي سؤال او استفسار اكتبولي في الكومنت:$

ريفيو عن جوسي ايبر المجموعة الذهبية José Eber

السلام عليكم ورحمة الله وبركاته 🌷

اليوم حتكلم عن اجهزة جوسي ايبر وكيف تحمي شعرك من الحراره وايش المنتجات اللي استخدمها

السوق مليان أنواع وأشكال الماركات من الفير والاستريتنر بس اللي يميز أجهزة جوسي

- ضمانهم مدى الحياه

- ماتنفش الشعر  اغلب الاجهزه اللي كنت استخدمها في نص المناسبه اشوف شعري اتنفش هههههه

بس مع جوسي لامرا ناعم ويجنننن

- يسخن على طول اركب الفيش ويكون جاهز .

- تشتغل على 220 وعلى 110

- مصنوع من مادة ماتحرق الشعر.

- الفير يجي منو مقاسات 13/19/25/32

اخدت المجموعه الذهبيه من الوكيل  لجوسي ايبر في عزيز مول في جدة سعر المجموعة 800 ريال

 وعندهم فروع في الرياض في غرناطة مول وبانوراما مول وحياة مول

يجي معاه فيرمقاسو 25 ملم  اكتر مقاس ناسبني لانو شعري طويل ويعطي ويفي طبيعي وناعم

والاسترينتر ميزتو ينفع للشعر الجاف والمبلول  بس انا افضل مااستخدمو وشعري مبلول 

يجي معاه جونتي عشان لاتتلسعي بالفير

وكمان يجي معاه شنطة للسفر مرا حلوا

واخدت القاعده من عندهم مرا مريحة اذا مستعجله وبتسوي سريع تحطي الفير في مكان امن

بالنسبة للفير فيه زر واحد اول ماتضغطي عليه يكون جاهز الفير

 والاستريتنر لو ٤ درجات توصل ل ٢٢٠ ، تختاري الدرجة اللي تناسبك

عندهم اجهزه تانيه بس ماجربتها زي الاستشوار وجهاز التكسير

اول شي قبل مانبدأ بعدما تتحمي وتنشفي شعرك حطي منتجات تحمي شعرك من الحرارة

انا ليا فترة استخدم هذه المنتجات ومرا مرتاحة معاها 

من اليمين
بخاخ الشعر من تريسمي بزيت الارقان المغربي يعطي نعومة للشعر ويتحكم في تطاير الشعر مرا حلو وريحتو احلى

البخاخ التاني لحماية الشعر من الحرارة الين 230 درجة مئوية

واخر شي بديل الزيت من لوريال بالارقان اويل  يجنننننننن يعطي شعور جميل للشعر وريحه حلوا

بالنسبة لبخاخ تريسمي لحماية الشعر اشتريت بخاخ تاني من النت الحلو فيه ان، يحمي الين450

كتبت عنو في تدوينة مشترياتي من موقع درق ستور اذا ما شفتيها اضغطي هنا

ودي صوره قريبه للتنين

بس الفترة الاخيرة قلت خليني اجرب 

It's A 10

هذا البخاخ يوعدك بعشرة ميزات انو:

- يحميه من الحراره والاستشوار 

- يعالج الشعر الجاف والتالف
-يعطيكي لمعة للشعر

- يخفف النفشه 

- يكثف الشعر

-يعطيه نعومة

- يمنع التشابك

يحمي الشعر المصبوغ 

ينعم الشعر المجعد

يخفف من تكسر الشعر .

انا ماقدر احكم عليه لانو لسه ابغى اجربو فترة واقلكم رايي فيه

ونجي لزيت اغادير بدأت استخدمو احطو على اطراف شعري وهوا مبلول

شعري صار ناعم وراحت النفشه يعطي نعومة للشعر مرا حلوا.

ان شاء الله تكونو استفدتو من الريفيو:$