مشترياتي من موقع درق ستور(تجربتي بالتفصيل) drugstore haul

السلام عليكم ورحمة الله وبركاته

اليوم حتكلم عن مشترياتي وتجربتي مع موقع درق ستور وشحنتوعن طريق ورلد شيب

اول شي موقع درق ستور الحلو فيه انو تحصلي اغلب المنتجات مكياج كريمات  زي اي هيرب تقريبا 

وكمان الحلو فيه انو يجمع مع موقع بيوتي في سلة وحده موقع بيوتي يخص اغلب ماركات الهاي إند

 يعني تشتري من موقعين بسلة وحده وكمان دايمن يسو عروض وماتتخيلو أسعار المنتجات كيف تنزل

طبعا لازم بريد أمريكي أنا شحنت عن طريق ورلد شيب لدي ايتش ال

مرا عجبتني طريقة شحنهم  شوفو كيف جا مغلف كل شي بطريقة مرتبة

اول شي حتكلم عن المكياج اللي طلبتو من اليمين

من زمان نفسي اجرب فونديشن لوريال ترو متش بس لانو مو متوفر عندنا والتاجرات لاعبين في الاسعار

 لعب اخدت درجة w4 وسعره ب 11.49 دولار ازا تبغو تعرفو بالريال كم اضربو الرقم *3.75

كمان طلبت كوريكتر اورنج من نيكس مرا عجبني ناعم اخدت حبتين ليا ولاختي الحبه ب 5$

وطلبت كونسيلر ميبلين اخدت درجتين ميديم  واخدت لايت للهايلات سعره الحبه ب 7.19$

يعني تقريبا ب ٢٧ ريال شايفين الفرق في السعر كيف

و طلبت كونسلير وكونتور من ماركة la girl ماتتخيلو يابنات كيف خطيررر

وسعره 2.99$ يعني تقريبا ب١١ ريال بس مرررا عجبني جربوه ومحاتندمو

كحل ريميل لون بيج غني عن التعريف سعره 4.4$ 

رموش ارديل wispies من اكتر الانواع الطبيعيه وتجي عالعين مرا حلوا ب 3.49$

غرا رموش من duo احسن نوع بالنسبه ليا مرا حلو الفرشاة شكلها زي فرشاة الايلاينر ب 5.49$ تقريبا ب 20 ريال التاجرات يبيعوه ب ٥٥ ريال

كريم لليدين من eos ريحتو تجنن حلو للشنطه ب 1.99$ تقريبا 7ريال 

أغلب الاشياء كان عليها خصم 

مرطب للشفايف ب 2.99$

نجي للعناية بالبشرة
طلبت الماسكات دي والاسكرابات على مدح اليوتيوبر الاجانب منfreeman سعر الواحد ب 3.49$ وكانو 

مسوين عرض اشتري 3 واحد مجانا 


اذا جربتوها اكتبولي تجربتكم تحت :)

نجي لحبيب الكل ماسك الطين الهندي ب7.50$ كنت ابغى اطلبو من اي هيرب بس سولد اوت على طول

بصراحة لسه ماجربتو بس ازا انتو مجربينو حنبسط مرا ازا كتبولي تجربتكم تحت في الكومنت :)

فيتامين e ب 8.99$ برضو سولد اوت في اي هيرب على طول ف قلت اطلبو من درق ستور
مرا حلو ولو استعمالات كتيرا

- مفيد للاظافر 

- يخفف من الهالات السودا  تحت العين

- يوحد لون البشرة

- يرطب الجلد الجاف تماما ويساعد على تقليل الخطوط والتجاعيد

- يخفف من علامات تشقق الجلد.

ومنتجات الشعر اللي اخدتها 

' TRESemme Thermal Creations Heat Tamer Protective Spray 8 oz

 بخاخ تريسيمي يحمي من حرارة الاستشوار والسراميك وغيره من مصففات الشعر لغاية 450 درجة فهرنهايت  تبخي على شعرك قبل ماتبدأي تسوي شعرك.

بخاخ It's A 10

هذا البخاخ يوعدك بعشرة ميزات انو:

- يحميه من الحراره والاستشوار 

- يعالج الشعر الجاف والتالف

-يعطيكي لمعة للشعر

- يخفف النفشه 

- يكثف الشعر

-يعطيه نعومة

- يمنع التشابك

يحمي الشعر المصبوغ 

ينعم الشعر المجعد

يخفف من تكسر الشعر .

زيت أغادير المغربي للشعر يسمي أيضا بزيت الأرجان هذ الزيت مستخلص من شجرة الأرجان التي توجد في المغرب العربي , يحتوي هذ الزيت على فيتامينات طبيعية تغذي الشعر وتعالجة وتعيد الحيوية له ,

من فوائد زيت الأرجان للشعر :
1- علاج تساقط الشعر
2- علاج تقصف الشعر 
3- تنعيم الشعر 
4- تكثيف الشعر
5- واقي للشعر
6- يسهل تصفيف الشعر

طريقة الاستخدام : حطي كمية مناسبة على الشعر وزعيها الاستخدام المنتظم يعطي نتائج سريعة.

واخر شي طلبت فرشاة الايلاينر المايله من elf ب 3$

اعطوني خصم 10$  مع الشحنه :$

وفي ملاحظه على شحن ورلد شيب طلبت مناكيرات وماشحنوها ليا كلمتهم وقالو ممنوعه الحمدلله 

ماكنت طالبه كتير لانو ازا ابغى ارجع الشحنه للموقع ياخدو 20$ والمناكيرات رخيصه ف خليها معلقه 

عندهم ههههههه ف انتبهو شوفو الحاجات الممنوع شحنها في ورلد شيب وازا حابين اكتب لكم طريقة 

التسجيل والشحن في ورلد شيب وايش افضل تشحنو على دي اتش ال او اراميكس والفرق بينهم وبين 

شوب اند شيب  بالتفصيل اكتبولي تحت في الكومنت وان شاء الله انزل بوست قريب :)

وبعدما شحنت الشحنه من موقع درق ستور جاني تخفيض دايركت بعد الشحن 7.20 دولار مجانا للشحنه 

الجايه يعني جاني خصمين دحين للشحنه الجايه :)

وبس بكدا خلصت البوست وان شاء الله تكونو استفدتو واذا اي سؤال او استفسار ماتستحوش :$